GABAY JACBURA

http://www.shardiidcom.blogspot.com/ Qormadii Mohamed Hassan Talooy ku arki waayey Tamareey kaa faa'iideysanwaayey Taariikheey ku nacay Tafsiiroow ku fahmiwaayey Tahliileey ku qoriwaayey Tusbaxoow kugu daaley Tartanoow kaa hadhayTowxiidkii eed noqoyeyTaqigii la tuuryeeTerror noqoyey weligii Tacliineey ku baranwaayey Tacaboow ku falanwaayey Tuugoow ku qabanwaayey Tuhunoow kugi nooli Tahriibey i dhamaysay Talyaanow i gumeeyso Togdheereey igu duuloo Tobanaan elhelkiinoo Maxaabiis ku tilmaaman U taxaaba Mandheeroo Taageero ku raadso Tadhasena walaal noqoy Taajka madaxa laga saar Tuugsi xeelad noqoyoo Taajirkii faqiir noqoyoo Taag yarena dirac noqoy Timo sacab ka soo bexe Taleex geenyo laga waa Timirtii dab loo waa Toyota gaadhi noqonwaayoo TA-TA baa la caashaqay Turkigii yurub diide Tani waa yaab iyo yoow Your's Mohamed Hassan

CAWIL IYO AYAAN

ugu horeyn waxaan salamayaa inta nasiibka u hashay iney aqristaan qomadan gabaygan. intaanan guda gelin tixdan gaaban ee halku dhigeedu yahay cawil iyo ayaan, waxaan jeclahay inaan idiin sheego qoraal ama maqaal la hadaf ah gabayga oo aan dib ka soo qori doono hadduu <> Eebe idmo qormadaas waxaan halkudheg uga dhigay NIN KU DILAY , NIN KU DAGAY BAA KAAGA SII DARRAN, waxaan ka soo bilaabay dhacdooyinkii << 1800 ilaa 2007,ilaa hadda dhacyooyinkii taxanaha ahaa iyo sababihii dhaliyay in si qabali ah leysu ugaarsado.... qormadaas dibaan ka soo qori doonaa inshaa alaah GABAYGA: ARRAR, gabaygan waxey ila tahay sharax badan inaan leyga doonaheyn marka laga reebo maluugta qeybta aan kaaga hadley
NIMANYAHOW CIBAARADAN DHACDIYO TALADAN CEYRYOONTEY
WAAGII CASAADABA WAR BAA KUGU CUSBOONAANE
CEYDA IYO FAANKU WAA CAMALO SHEYDAANE
IIDOOR DABA CAYUUN MIYAA CAGO JUGLEYNAAYA???
SOOYAALKA CAANKA AH HADDAAN CUTUB YAR SOO QAATO
CARRIGEENAN MAANTUU KUFRIGU CAGAHA SOO SAARAY
GUMEYSIGII CADIBAY SOOMALIDEE NAGA CASHIIMEYSTAY
CUDUD KUWII KU RAACAYE FARANJI U CASKAREYNAAYEY
KUWII CIIDA GADAY EE KAL HORE CIDAHA NOO JOOGAY
WAA CAJAA'IB NOOLOOW HADDII LOO CIMAAMADO'E
WAA U CAADADOODA IIDOOR INAY KUFRI CISEEYAANE
IYAGAA CABIIDKA U AHAA GAALADII CADANE
CAWARKII SUWEEN WEYDINKII CAAWIYOO WADDEY'E
IYAGAA CASHIIRO U AHAA COOMIRKII YURUB E
WAA CALAAMADUU DHIGAY WAXEEY CIRIBSANAAYAANE
CINDIGABA MA GELIN INEY CALANKI QAATEENE
CITIRAAF AAD DOONTAA WARSOW TALO CARUUR MAAHA
INTAA WAAN CAYIMAY OO JEERHORAAN CURIYEY WEEDHAASE
CODKALANA HADAAN ORANAYAAYEE IGA CIRAAB QAATO'EE
CISI IYO WANAAG IYO INTAAN CAMAL SAN DHOOWRAAYEY
INTAAN CADOWGA CAABINAHAYAYE NACAB CAREYNAAYEY
CARRAB IYO CUDUD MIDA, IYO INTAAN DIRIR KU CAATOOBAY
GEYIGAAN CAMIRAY CEELASHAAN QODAYE MAATADOW CELIYEY
WAA CAJAA'IB NOOLOOW NINKII CIIL QABKOW KADAYE
CISHIHII KUWII NAGA GUDAYE CADOWGA SOO RAACAY
CAD QUUREEDKA SOORTIII KUWII LAGU CASHEYSIIYAY
CAADO QAATAYAAL IYO DILAAL CULUQ YAR LOO TUURO
WAX CEYNKAA KA DHIGAN CEEBAALIHII CUNAY DAD KIISIIYEE
CALOOL DHEREGA CIR KAAGOOD BOGOTO IYO CALALIS UUN DOONO
WAXAAN CUNAHA KUU DHAAFIN BAA XAMAGU CEEJAAYE
MAR CANTUUGA LABADII CAN SOOW LAGUMA CEEBOOBO
INTAA WAAN CAYIMAY OO JEER HORAAN CURRIYEY WEEDHAASEE
CODKALANA HADDAAN ORANAYAAYEE IGA CIRAAB QAATA'OO
OO UU CALMADEY CADLIGII CUQAASHIYO WAXGARAD IYO
MARKEY CULUMADDII DIINTA CODMIDEYSAN GAAREEN AYAAN CAAFIMAAD HELAYE
CUDURKII I CAATEEYAYEE CALAFKA II DIIDAY
CUFRIGII WAXAA II BADALAY NAALO IYO CEESHEE BOOCAME
CISHIHII LAGU BALAMAY YAA CAWO ADDUUNEE
NASRIGII CILAALNAA WAKAA CAASHA SOO LULAYE
CIRSANKAYEEDH DUCADII UU CALMADAY CAARIF II TABIYE
CASIISOOW ALAHAYOOW ADAA CAADILOO JIRA E
CUB IYO CIREYNTII KA BAXAY LABADI CEEL DHAABE
IIDOOR DABACAYUUNOW WADBAA COONKA KUU YIMIYE
COLBAAN SOO CIRBINAYAA HADDUU CAADIL II SAXO E
CUDUD IYO WAXAAN CAANKA KU AHAA DIRIR COLAADEEDE
NABSIGII CAMBAABURAY HADUU HOORIMAAD CURANE
INAAN KUMAN CUR JARI WAA HUBAAL OO WAAN CAREYSNAHAYEE
CEYN IYO DHULKAAN DEGI JIRAAN CALAFSANAAYAAYEE
CAAQYAHOW WAXAAN KAA MAQNAAN CADAD SHUHUUREEDE
CEERIGA BADEED IYO MINDHAA WAAD TAQAAN CIRIFYADII GUBANE
CEYDHAADAN DOONKA AH XAGEED CIIRSI UGA DOONI??
MISE WAAD CALAACALI FULEY CAADADII TAHAYEE??
INTAA WAAN CAYIMAY OO JEER HORAAN CURIYEY WEEDHAASE
COD KALANA WAAN ORANAYAAYEE IGA CIRAAB QAATA
OO COMAADIGA SIDIISII MARKAAN CIIRIRKA EEGAAYEY
CALAAMOOYIN IIMUUQDAYBAAN CAAWILAHAYAAYEE
MAR HADUU SAXALKII CUBTAMAYOO UU NABADNA CAADEYSTAY
OO UU CALMADEY CADLIGII LAGA CASHIIMEYSTAY
OO UU MARIIKHII CAMIRAY CIRKA WAA CAJAB ILAAHEY E
GUDBAN OO CAD CEEDII DULTIMID FARUUR CIRIRKA OO MUUQDA
GARBORAAR CURADA COOMIRKA IYO NAAFKA NEYRUUS
CARCOORIYA NAFLUHU WAA CISEYN JIRAYE
INTAASOO CASHIIRA AH ANOY CIRIFKA II JOOGTO
CAWIL IYO AYAAN KAAN LAHAA BAA II CIMAAMADANE
IIDOOR CIBRIYA UUMIYOW IYO CALAKADII HUUSHKA
HUUNOOYIN CAGA JIID KUYIMI NAMA CUSLEEYAANE
WAXSE CIMRIGI GO'AY MALINTUU CEELSANKII YIMIYE
LAASO CAANO IYO XARGEGA MAXAA KEENEY CIRIKOODA
MARSE HADUU CAMBAARKII GALBADEY NA CIDI JIIDAAYEY
CUNSURA IYO HADDUU SII DHAXMAREY FALAGA CIIRAAYA
INUU CIRIR SHAREERIYA GALUU KUU CAYIMAYAAYEE
SIDUU NAAFKA COOBAHA U JARAY LOOMA CIIL QABO EE BY
samafareaji@yahoo.co.uk

KHALIIF SH.MAXAMED(MARUURYO)

Khaliif Sh Maxmuud Abshirow micnaha gabay haddaad mid iga weydiisey wiilyohow madluunbaan ahaa maalin iyo leyle intaas waan mugleeyahay sidii gorayadii muune Mas la diley sidiisaan madaxa meerinahayaaye Sideydana waxaan maaganahay waa wax kaa maqane Magliga daabo maahane si kale hay maleynina Adduunyadan maraabeysay oo murugtey ee xiintay Ee uu Mareexaan u kacay waa masala weyne Gardarradaas mutuxan waa dagaal waxaan ka miisaaye Maruuryoodayeey xalay miyaan miray caloosheyda Muskii layga soo galay miyaa dhaxani mowleysay Goortaan wax milicsaday miyaan cadho madoobaadey Midigta iyo bidixdii miyaa midiba meel aaddey Markabkaan ku tiirsaday miyaa meeshii laga qaaday Maxamuud Saleebaan miyaa marada loo taagey Mililkiyo hurgumadii miyaa uurka igu miirmay Sidii aar mudi ahaa miyaan micida soofeystay Ma inaan colaad maamulay dani i moodsiisey Majeerteen Ilaah wuxuu ka dhigay malab sidiisiiye Sidii miraha Doocaan ka baxa muudsey aadmiguye Nin waliba wuxuu mihindisaa inuu magawshaaye Agoon maalki laga qaadayoo meel kastaba jooga Mareykaanka naagaha xidhee madaxa loo saaray Oo mudanayaashii jeclaa mawdka laga yeelay Dadku mowdka waa iska ogyohoo maalikbaw qoraye Meydka iyo raqdoodii miyaa laga dul maansooday Sidii waxaan muslin aheyn miyaa muxubbo loo laayey Madficii iyo rasaastii miyaa meel kastaba gaadhey Kulli midhaha Daarood miyaa keen isugu miirmay Ma kuwii aan hartiga moodayaa soo mashxaradaayey Maangaab Dhulbahanta ah miyaa nagu malaabeeyey Mergi-kuusyadii hore miyaa muruqa noo tuujey Mahanniga Ugaadeen miyaw mabay xumaanteenna Warsangeliga maahee dadkii mayna wada meershey Inkastoy bahnimo muujiyeen sooma mayl bixine Malkadaan ka sugayiyo may iman mooshin kaan rabaye Haddey ficil maqiiqaan warmuhu nama muquunsheene Macaan iyo xareed bay idaha kaga macaashaane Macna ineeyan noo tarin miyaa meesha ka caddaatay Iidoor marduuf qaada helay waa majnuun falane Hilib maraq leh iyo roodhigey miisanahayaan Macnaha dowladnimo leedahayba uma muraadaane Caynaanshe meeshii la dhigay haadku malafleeye Mudafkiisu waa kii dugaag maalin weyn cunaye Maskaxdiisii waa tii tukaha looga dhigay miile Nabadbay macaansanahayaan wawse maan li'iye Wallee ama magaalada Berbera dhiiggu mulacyeeye Ama sida mawaashiga ratiga mayr lagu saarye Hawiye meel uu joogaba dagaal weyska maanacaye Maankaba ka jare raganimaan meel ka soo geliye Maaraha Siyaad baa ka dhigay maata caanalehe Abgaal oo mihiigaan ka badan jaraha loo miiqye Mudanihii Gabayruu ka diley oo mar soo baxa'e Waxay talo ku goosteen inay moxogga diidhaane Habargidirta mudugjoota ee maashu wada soocday Ee layska maamulanahayoo deyrka lagu meershey Ee sida halah maydabta ah layska maalaayo Iyaba mahadhada waa qabaan ceeb muggooda ahe Murursade iyo Cayr iyo haddii Sacad la miireystay Marna iney maya oran kareyn kama maleeneynin Hadalka hayga moodina inaannu maaran waa nahaye Sidaan maanta nahay yaan la oran laga milroonaaye Maruunbaannu mowjada xirmiyo maayad soo kicine Nabsigaan mugdiga gudahayaa maruun heleynaaye Caruuraha maryaadaya iyo Dumarka mowleeyey Maruunbaa marwada Maxamed qabo noqon masaalkoode Maruunbaa mid lagu meel maro iyo maahir noo kiciye Maruunbaa rag wada miiggan miiddi soo bixiye Maruunbaa madhada Caabudwaaq miig ku soo degine Ninkii tiisa maamulan karaa kuu muraad falahe Magaalooyiyo lama martiyo lebiyo meygaage Bal inaad idinku naga maarataan wax is moodsiiya Afartaas intaan miin ka deyey meel ma qabadsiiyey Ragbaa gabayga meermeeriyee marindhac maw diidey Macna kale waa hadal yar aan meesha kala yeele Maraweyntii reer Cumar ahayd meher xalaaleeye Midguhuba ma yeeleen waxay madaxa saareene Aw Muuse gabayguu marshaa meesha soo galaye Waxba yaan micna la'aan xarago suuqa lay marine Waxba yaan matoobi iyo shaal lay mardaadine Waxba yaan dad mudan baannu nahay lay maqmaqashiine Haddaad geel mulki ah leedohoo xero u maageerto Mareerkiyo galoolkiyo haddey magacley daaqeyso Oo kuraygu muraha u sidoo maraq u dheesaayo Ninkii maagistaada iyo fidmada muhashadeed haysta Haddii uu martabbadaadi hore sax u maleyn waayo? Marka hore midbuu kaa qalaa muunad loo dhaline Murre haddey dhadhami weydo iyo dacar la soo miiray Oo uu raggii maali jiray soo mur bixi waayo Muluf iyo haddey wada mohollibiin tuunsan Doqontii maldahan hawga biqin maayal dirireede Mar labaad rogaal weereraa lagu mayiiraa Oo muqalladoodii rag kale garabka meershaa'e Cabdulqaadir bay maraqsadeen maalin duhukiiye Mishingaanku goortuu dardaray mahad ma moogeyne Macaan dhereg la'yahay ceebtu waa meheraddiiniiye Nimankii middida saaray baa meel la hurudeene Ood waliba maamuus salaan ugu mihiibteene Inaad diini magantiis tihiin idinma moodeyne Dabadeedna muurmuursigii lagugu meydhaanye Toban iyo toddoba madax ah oo uuskii laga maaxshey Is maxamuudintiinaas xun baa loo makaabsadaye Mahwigii xalwiyo laga tuur malawgi dheeraaye Cirro inuusan meel roon ka dhalan waw makshuuf qabaye Magac ba'aye Ciisaan lahaa way mitidayaane Cismaankii is maahuurin jirey malihi beenowye Haddii muran dhexmaro reer tolkood ways mutuxiyaane Goortey shisheeyaha mutaan reer marti xumooyin Raggi shaaribbada miiqi jirey waa makaan dumaye Waa taad majeerteen yaryare nagu magacowdeene Murti haddaad la haydeen wax tara lagu muquuneeye Ibraahiinno milanbay qabaan mur iyo deeqaabe Moortaayihii shalay ku dhacay lagu mahlaakeeye Ulud dheer middii lagu dhiftay doc ula miiqmeene Mottarkii shirshooruhu markuu kor u muquufaayey Allaaba waa gargaar meel maraa ugu miciintaane Goortii la mariyaa kalgacal wada maqsuudeene Ninba maalinbaa loogu iman maxastadiisiiye Qoladay markaas haysataa kaga maqnaateene Xasidnimada maarowdey waydiin macaantahaye Mahwiga Cali saleebaan haddaan mirar ka faaleeyo Waa niman mallay inay gurtaan maanka kaga taalle Waa niman aan ficil muujin karin maalin lays galaye Iyagoo malyuun iyo malyuun mira saruu dhaafay Waa niman masaakiin yaryara lagu masaalaa Waa niman micnaha ay wataan lala mashquulaa Waa niman mucaarad iyo toos aan midna ahayne Waa niman aan meelna uga jirin miis rag leeyahaye Malagii walaalkii nin jecel murugo waw kowe Ragga lagu malkhadayaa waa mahurtadiinniiye Maruun inaad is deydaan way kaa madowdahaye Mataraariyaha lagu furaa keligood moodeene Goorti mir iyo mayrac iyo malabsi loo laysto Inaad adigu marax keyda tahay wayska moogtahaye Muusiyo Ismaaciil bahdood kama masuugaane Mar haddey makaabbada jebshaan maara laga waaye Magli kugu dhegayey sidiis wax u maroorshaane Marse haddan kor u qayliyoo mirar u yeeryeero Moxorkii jeceeleed haddii firimbi mawleeyo Haddii aan magaalada qandala oohin ku ag meero Madaxyada walwaaleed haddii belo muluufaanto Ceelkii mareegsane haddii qiiqu mulufleeyo Marsabadiyo xeebaha haddii laysu mariwaayo Maskantii haweenkiyo haddaan marashi dheer qaato Madal laysu soo baxay haddaan muusanaw kiciyo Waxaan maanka ku hayaa inuu maata doox dhicine Annagoo makiinada laliyo moodhar ku ordeyna Oo caradu naga muuqataa mowqifkii imane Eebbow waxaan maagganahay yaa maslixidoonna

SIYAASADDU GADDA MAAHA

GABAYGAN WAXAA TIRIYEY ABWAANKII WAYNAA EE REER SAANAG XAAJI MOXAMED CABDI(MADOOBE). WUXUUNA YIRI. Siyaasadu gadaa maaha Dhuudaan u galay maaha Hadaan gaari helay maaha Googoy puntland maaha Hagodoonto Cayn maaha Sool guluf ku saar maaha Sanaag gees ka dhaaf maaha Hayland ka gudub maaha Gaalkacayo reeb maaha Mudug koonfur geey maaha Caasimada loo gartay iyo Garoowena ka rara maaha Boosaaso gey maaha Qardho gobol ka yeel maaha Karkaar oo dhan sii maaha Tii sunaamida ku guro maaha Siyaasadu gadaa maaha Ciidamada garaam kooda iyo Gunadooda guro maaha Sharciga gees ka dhaaf maaha Hadii awr garaaraysatay Gool kugu agjabo adiga Goowsahayga mooyee Gumad ruux ka siin maayo Gobta caadadeed maaha Siyaasadu gadaa maaha Hadii geed lawada beerto Gunta xolad ka saar maaha siyaasadu gadaa maaha Isimada gudoon kooda iyo Goaan oo dhan buri maaha Siyaasadu gadaa maaha aatada gawaan raac day Gur gur shaaga lagu guuro iyo Hasha geela ka irmaanba Gawrac ka mari maaha Siyaasadu gadaa maaha Puntland iyo gergaydheeda Aniga iyo garaadkayga Goaan iyo ku dhaqankiisa Xaajo waliba geedkeeda Geesi waliba xeeshiisa Hadaan gaabsho maansada Awr ka geela lagu daray Waa guubis madax weyn Hadaan gu'ga kan laga qaban Walee waa gadaal looga sheekee .

DAGAAL OOGE

Maansadii Dagaal Ooge oo uu curiyay Abwaan Axmed Cabdi Geelle (Dariiwsh) Jun 21, 2007 By:Abwaan Axmed Cabdi Geele.Jidbaale(Maanso) Maansadan la magac baxday Dagaal-Ooge waxaa curiyay Abwaanka da'da yar Axmed Cabdi Geele (Darwiish) oo ku nool Kenya, waxayna qeyb ka tahay taxanaha Suugaaneed ee Silsiladda Dood-wanaag, soona baxday taariikhdu markay ahayd 19/11/2006, Dariiwsh wuxuu curiyay maansooyin badan oo ay ka mid yihiin 'Dariiwsh iyo Daliil' Dagaal oogahow joog Daljirkii waxaan ahay Maansadii darwiish iyo Daliil soo bandhigey ee Dareenkiisa ku cabiray Markaan daa idhaahdaba Doc aan laga fileyn baa Daad lagu arkaayaa Dar horaa wuxuu yidhi Nin duryamay ma wada odhan Nin dul marayna kama tegin Waxaa waano daabacan Haddaan lagu dawoobeyn Inagayska daalloo Dibnaheennu xiiqa,e Dadku waa dix dhagaxeed Waanada ma doonaan Xumahay ka doorteen Samirkiyo dulqaadkii Dulmi bay ka doorteen Daacad iyo hufnaantii Dunuub bay ka doorteen Wax la yidhi dameeraha Doqoniino awgeeduu U dilaa waraabuhu Iyagaa ku doontoo Ugu baxa duleedada Ducadiyo wax sheegiyo Ha ka daalin waanada Yaan iskula dardaarmaa. Bal dayoo u fiirsada Weel daloola celin ma leh Dheg daguugan maqal ma leh Nin dayoobey jaho ma leh Damiin garasho dheer ma leh Danaystuhu tix gelin ma leh Dib baad uga shallaayiye Dad qal daabka dhigo ma leh Dilaalkuna xishood ma leh Dulmi derejo wacan ma leh Jahliguna dugaal ma leh Xaq la dedey dabool ma leh Anaa diley ka dood ma leh Doqonkuna walaalkii Ha iska diline daa ma leh Daba dhilifku hadaf ma leh Dabaalnimo bogsood ma leh Dugaaguna hilbaha wadhan Dheregtaye ma dool ma leh Weere adhiga daa ma leh Doofaar damiir ma leh Dayr la waayey doog ma leh Habeen dumey cadceed ma leh Dal shisheeye degel ma leh Qaxootigu dabiib ma leh Ubad diinta gaalada Duruus looga dhigayaa Ma danqado duqii dhalay Diidaye ka daa ma leh Dalkaagii ha aadine Dirayskiyo dabkaa qaadoo Ka dagaalan meel kale Diiddo iyo ka dudis ma leh Diir kuu dhaqaaqiyo Shisheeyaha dubaax ma leh Dumarkiyo caruurtiyo Danyartuna u tudhis ma leh Duqaydiyo wax garadkiyo Daacadi hungow ma leh Ramag doobi loo culey Iska daadi dhay ma leh Gu,darooray oo da,ay doog iyo tigaad badan Ka guur oo diraac qabo Baahidu la deris ma leh Diintiyo shareecadu Eex iyo dakano ma leh Aadami dastuurkii Dimuqraadi dhaxal ma leh Allaha dunida uumaye Ina dilaya kuligeen Shirki lagu dabakho ma leh Dayaxii islaamkiyo Nebi muxamed diidoo Dan qabiil u taagnow Siidhi iyo durbaan tumo Gaalada la duubnow Dawgay maraan raac Waxay doonayaan yeel Aduun baa ku daaliye Duug kaaga hadha ma leh. Mar hadii dadkeeniyo Dalkeeniiba saa yahay Ma daweyso waanadu Nin ibleys hogaan iyo Dabar geliyey waa hore Ka dahaadhay laabtiiye Dub bay noogu yaalloo Dan bay naga dhaxaysee Yeynaan ka daaline Sidee loo dabiibaa? Dawadiisa yaa garan? Ma dhulkay ku duugeenoo Ku daguugan tahay weli? Ma dal aan dhaweyn bay Doonyuhu u qaadeen? Ma buurahay dushoodiyo Daruuraha dhexdoodey Dabayluhu ruxaayaan? Lix iyo toban guyoo da,ay Dagaal oogayaal baa Ina kala dilaaloo Isku keen diraayoo Weli dabkii shidaayee Haddaanay dawoobeyn Dulmigana ka joogeyn Daalaye maxaa dana? Xadhig siima daayaa iyo Hadaynaan ku xidhin daar Isku duubnideeniyo Danta qaran ka door bidin Duulaanka cadowgaa iyo Ha ina dilo waraabuhu Ha la dumiyo daaraha Dabaysha iyo fooraha Dugsi celiya yuu hadhin Ha yimaado daayeerkii Dusha inaga rari jirey Nin waliba dabkuu shiday Ha dhadhamiyo dacartii Ha la dooxo maatada Ha la qaado duunyada Dahabkiyo shidaalkana Doonyuhu ka qaadeen Doqon aan la ciiline Ma dawowdo weligeede Maskaxdii daboolayd iyo Maankii ha soo dego Dal inaan wadaagniyo Dantoo naga dhaxaysiyo Isku diin in aan nahay Aan garano dabadeed Mar aynaan wax dili karinoo Is difaaci karahayn Gobanimo u dirir iyo Aan doono calankiiyoo Dib ha loo dagaalamo Inagays duleynaye Aan wareegno duurkoo Hadba dow istaagnoo Dalkeenii xorta ahaaye Shaydaanku soo degey Ugu ducayno weligeen Dunuubtaan samayniyo Dambigaan falaynaa Sidii daad na qaadaye Allaha daayinka ahow Danbigeena noo dhaafoo Dugaagaa na cunayiyo Daayeerka naga saaroo Dalku noo hagaagoo Dawladnimo timaadaa Saasi waa diciifnimo Intaan daad ku soo gelin baa Dugsi laga samaystaayoo Loo diyaar garoobaa Iminkaba digtoonow oo Dagaal oogahow joog Dabkan aad shidaysiyo Dumbukhaad ridaysaa Inoo daran dhamaanteen Adna derejo kuuma leh Dan shisheeye leeyahay Ha u layn dadkaagee Damiirkaaga kaashoo Kuwa daacaddaa iyo Nabad doonka daaliyo Duqaydeena sharafta leh Aan kuu ducaynee Dadka dhinac ka soo raac. Culimaa,u diinkaay Xil baad guudka saarteen Dadka waxaad tidhaahdeen Dawgii rasuulkiyo Halkii eebe dooniyo Daacad iyo hufnaan baa Dalka lagu dhaqaayaa Dastuur gaalo keentiyo Dimuqraadi ma ogolin Diinta iyo shareecada Dadku waa u siman yahay Hanti daalin haystoo Laga diirtay ruux kale Dib baan loo arkaynoo Anagaa u duubane Ha soo doonto keedii Haddaan la is dafirahayn Dulmigii ba,naa iyo Qabiilkii na kala diley Danaystuhu ku noolaa Idinkaa daweeyoo Degaankaad timaadaan Dadku waa walaaliyo Deris oodda wada yaal Dedaalkaad samayseen Waxaa diiday deeqdaa Nimaan diin lahayn iyo Damiir laawe nacas iyo Dabadhilif danayste ah Waxay doonayaa waa Qabiil la isu dooxoo Dukumdaakum naga dhiga Digtoonaada weligiin Dabinkay dhigaayaan Yuu debec idiin qaban. Boorame dushiisiyo Dadka bari ku nool iyo Daaraha hargeysaad Sunni diinta jeceloo Daacaduu u badan yahay Ma geyaan duqayn iyo Duulaan colaadeed Digtoonaada weligiin Hadal idinku dirayoo Aan daawo keenayn Dibnahaa ka dhawroo Ku dadaala waaniyo Dacwo gaadha kuligood Oo dib noo midaysoo Qalbigooda daxalkiyo Ka safeeya dacartiyo Duruustii danaystuhu Ku akhriyey ee daashaday. RadioSSC News.waxaa soo wariyey xayir

WAA GABAY CILMIYEYSAN KUNA SAABSAN XAALADA DHULKEENA HOOYO EE SSC

Hobolkiyo abwaankii markii heer la wada taagey Ee heestii gabay lala simaan hawlyaraan dhigaye Hawraarta suugaanta wuu ugu horeeyaaye Aniguna hidaha kama lumine waan hawadiyaaye Hogeedaan aqaan iyo halkii ugu haboonayde Caawana afkaa ii hud huday hadal colaadeede Ficil baan is hayn waayey oo soo hankaabsadaye Waligeyba wow hiilin jiray duul halaagsamaye Waana hoga tus weedhaydu iyo say hadhow noqone Halawgaan diraa dhegaha waa inuu haleelaaye Hawd iyo nugaalow i maqal waad hawiranteene Hog inoo qodnaa baan galiyo hogobyo shaydaane Haybaddaan lahayn way luntiyo hor umarkeeniiye Habraa ina qabsaday iyo wixii haarufta lahaaye Inaan hogano iyadoo isaaq inagu heesaayo Hog inaan gallaa igala wacan habacsanaantaase Nafta hura dhulbahantow ma jiro hiil idiin maqane Hubkana qaata gobanimadu waa haybad iyo shaale Dabka hadaan la hurin iyo dagaal lagu huruunshoodo Aan hoobiyaha lagala hadhin hawsarkiyo jiibka Hamigay wax badan goobayeen waw hirgalayaaye Heeryada ridaay maanta waa kala hayaankiiye.......... Hadii awrku heeryada cunoo hiigo raradiisa Haamaha ku raran baa ku dhiga haaro iyo booge Hungurigii galbeed loola kacay lagu halaakowye Haaweydii ina iibsataye soo hor kacay huushta Ee soo hirgeliyaa hadeer hoos u foorara,e Hagarta waxay u gelayeenba waa haamo buuxsada,e Hamigooda liitaa ku furay gegi habaas weyne Hooyadii nin qixiyoo tolkii haadda ugu yeedhay Aan himiladiisiyo la garaf hadafka uu dooni In bulshadu hogaamiye tidhaa lagu hankaageeye Rag haliiley wow halis inay hanaqa gooyaane Hilbahooda hadii aan la wadhin oo haada la cunsiinin Aynaan hareeraha ka gelin sida halaambeyda Aan loo heshiin inay noqdaan hadur wixii gaadha Hayhaata weeyaan waxaad ku hadayaanteene Heeryada ridaay maanta waa kala hayaankiiye......... ....... ........ ........ ............ . Ma haboona dhabayaco inaan hiil ka dayanaaye Hartigii la eeday badhkeen haybiyaan weliye Ka soo hadha majeerteen hungaad uga dhacaysaane Hanad waxaan lahayn xamar hadii lagu horaysiiyey Laaskana la haystoo hadeer holoco qiiqaayo Tabcay nala heleen ay mindidu heedhay boqontiiye Ha yeeshee gob lama haysan karo heegan weyn galaye Hibo wow lahayn geesinimo tan iyo haabiile Guutooyin soo humiya oo dirir u heenseeya Iyagaa markuu holocu gubo dib u haduurlayne Markaasaa habkii dawladnimo noo haboon yahaye Heeryada ridaay maanta waa kala hayaankiiye.............................